تظلمات الثانوية الأزهرية غداً الأحد في 198 مركزا على مستوى الجمهورية (رابط التقديم )
أوضح فضيلة الشيخ على خليل، رئيس قطاع المعاهد الأزهرية، أنه سيتم فتح باب التظلمات على نتيجة الثانوية الازهرية 2020، بدءًا من غد الأحد 16 أغسطس، ولمدة
رابط تقديم الطعون :
https://azhar.gov.eg/ton/Account/Login
وبين رئيس قطاع المعاهد الأزهرية أنه يحق للطالب تقديم طعون على المواد التي يرغب في التظلم فيها، مقابل سداد الرسوم 100 جنيه فقط، يستردها حال الحصول على أي درجات إضافية، حيث يتقدم إلى الإدارة التعليمية التابع لها بدءًا من الثامنة صباحًا، وحتى الثانية ظهرًا.
وأشار فضيلته أن الطلاب الذين يرغبون في معرفة درجاتهم ممن أجلوا أو الدور الثاني فعليهم التوجه إلى المنطقة التابعين لها بداية من الغد، ودفع الرسوم واستخراج بيان درجاتهم في نفس اليوم، مشددًا على ضرورة الالتزام بالتباعد الاجتماعي حرصًا على سلامة الجميع .
وأعلن وكيل الأزهر، أن نسبة النجاح للشهادة الثانوية الدور الأول للقسم العلمي بلغت 72 % بينما بلغت نسبة القسم الأدبي 64%، بنسبة نجاح عامة 67.66%، من إجمالي المتقدمين وعددهم 115443 طالبًا حيث حضر منهم 113987 طالبًا، وبلغت نسبة نجاح العلوم الإسلامية 100%.
وكانت قد بلغت النسبة المئوية للنجاح العام الماضي 2018/ 2019 (49.98)% كنسبة عامة، ونسبة النجاح للقسم الأدبي 41.78% أما القسم العلمي 67.78%.
١- يعنى ايه (الطعن) او التظلم ؟
ج: يعنى حضرتك كطالب حصلت على مجموع لايرضيك وانت متاكد من اجابتك وحسيت انك ظلمت او حدث خطاء فى تصحيح جزئية معينة او غلطة فى تجميع درجات مادة من هنا بتفكر انك تعمل طعن او تظلم من اجل الحصول على حقك .
=================
٢-اعمل تظلم ازاى ؟ او ازاى اقدم على طعن ؟
ج: حضرتك هتروح المنطقة التابعة لك هتقوله عايز اعمل تظلم او اقدم طعن .
==============
٣- رسوم الطعن كام؟
ج: اى مادة بعد ما شفت درجاتك ومتاكد انك ظلمت فيها بتختارها وتبلغ بيها المنطقة وتدفع لكل مادة ١٠٠ج
مثال : ٣ مواد يبقى ٣٠٠ج
=============
٤- لو اخذت درجات هيحصل ايه ؟
ج: اولا هتضاف الى مجموعك . ثانيا هتسافر القاهرة ترجع فلوسك لو مادة هتاخد ١٠٠ج . طيب لم احصل على درجات ليس من حقك تاخذ فلوسك .
============
٥- ميعاد التظلمات ؟
ج: هيفتح من بكرة يوم الاحد ١٦ /٨ ويقفل باب التظلمات يوم ٩/١٥.
لمدة شهر كامل .
================
٦- لو عملت تظلم اعرف ازاى انى اخدت درجات او لا ؟
ج: حضرتك لو عملت تظلم غدا مثلك مثل اللى هيعمل تظلم اخر يوم فى التظلمات يعنى هتنتظر شهر كامل علشان تشوف نتيجتك .
===============
٧- بعد الانتظار لحد ما باب التظلمات يقفل هعرف ازاى درجاتى ؟
ج: بعد عمل التظلم هتاخد كود زى رقم الجلوس هتحتفظ بيه بوابة الازهر الالكترونية اللى حضرتك حصلت على نتيجتك من خلاله الموقع ده هينزل نتيجة التظلمات هتكتب الكود هتخرج لك النتيجة .
===============
٨-ازاى احصل على درجات ومضيعش فلوسى ؟
ج: سؤال جميل لازم تعمل ٣ حاجات مهمة جدا جدا
١-هتنزل او تشترى او تعرف انت امتحنت مادة ايه اللى نزلت فى درجاتها علشان تفتكر الامتحان كويس واجابتك
٢-هتنزل او تشترى نموذج الاجابة علشان تقارن اجابتك بالنموذج .
٣- لازم تكون محضر نفسك وعقلك علشان لما ورقتك تظهر او تشوفها على الشاسة او تشوفها بنفسك تكون عامل ملاحظاتك عليها علشان توفر جهد ووقت عليك وعلى المصحح . غير كده لاتحصل على درجات
==============
٩- كام طالب او بنسبة قد ايه بنحصل على درجات
ج: بنسبة ١٠% من اجمالى المقدمين على تظلمات
لو ١٠٠ بيحصل على درجات ١٠ طلاب
===========
١٠- العدد قليل جدا فى الحصول على درجات ؟
ج: من سلبيات التظلمات هو عدم اخذ حقك فى فتح الورقة ومراجعتها بدقة سؤال سؤال وجزئية جزئية وايضا عند البعض هى فقط عملية مراجعة سريعة وتجميع درجات مما يؤدى ذلك الى انخفاض اعداد الطلاب الحاصلين على درجات
============
١١- انا خايف او متردد
ج: لو فعلا واثق انك حليت كويس وبنص الكتاب شرعى وعربى اعمل تظلم وشوف ورقتك وحاول لاتتعمد مضايقة المراجع لانه مشغول وعايزين يشوفوا اللى بعدك وان شاء الله هتحصل على درجات
=============
١٢-حالات لم يتم اخذ درجات فيها ؟
الكشط - تمزيق الورقة لو نجحت بالخطاء - تعديل الاجابة او اجابة خارج السياق - كتابة اجابات من خارج الكتاب من وحى وتاليف الطالب - المسودة البعض يعتمدها والاخر لا
اخيرا لازم تكون محدد موقفك واجاباتك وتعرف ترد على المراجع
==========
بعد حصولك على درجات ورغباتك اتفتح باب الرغبات وسجلت رغباتك ولما نتيجة الرغبات ظهرت وجدت نفسك حصلت على درجات فرفع مجموعك . ماذا يحدث ؟ ان شاء الله هتروح تضيف درجاتك من نفس المنطقة ومجموعك هيتعدل وانت فى الرغبات بتسجل اول رغبة كلية فوق مجموعك ٣او ٢% وهنقول ليه تفصيلا فى باب الرغبات.
ليست هناك تعليقات